torsdag 29. januar 2009
U-båten skal opp!
Statsråd Helga Pedersen var så tøff og klok som vi hadde håpa. I dag kom meldinga om at U-båten på Fedje skal hevast! Langvarig arbeid og press frå lokalbefolkning, lokale og sentrale politikarar har nytta! Gratulerer alle saman!
søndag 25. januar 2009
Kult ???

Her er det ikkje snakk om kva som er "kult". Her er det snakk om kva som MÅ gjerast for å få bort denne miljøbomba som ligg utanfor Fedje, midt i matfatet vårt! Kystverket konkluderte i sin rapport i fjor med at den beste løysninga for U-864 vil vera tildekking. Dette er det vanskeleg å tru på. Kanskje strekk ikkje folkevetet mitt til, men så lenge kvikksølvet ligg der det ligg, så vil det på eit eller anna tidspunkt bli eit problem. For meg står tildekking som ei kortsiktig løysing.
Eg trur kystminister Helga Pedersen vil heva båten og at ho var nære på å bestemma dette før ho var stoppa rett før jul. Eg håpar ho tør setja foten ned, og at ho tør det ikkje for å vera "kul", men fordi ho er ein ansvarleg politikar.
torsdag 22. januar 2009
Ein pose frø

Sauen fekk lam og åkeren gav ny grøde. Kvinna gjekk til marknaden, selde grønnsaker og lam og kjøpte ei ku.
Frø kom i jorda att, det kom lam og kalv og kvinna kjøpte ein okse. Den leigde ho ut til bønder som ikkje hadde okse, og tente pengar på den....
Kvinna fekk eit nytt liv - ho kom ut av hytta si - borna kom på skulen - kvinna reiste seg i eigne - og andre sine augo...
Eit eventyr? Ja, faktisk, men eit sant eventyr.
Historien er fersk - den kjem frå Begiområdet i Etiopia. Eg var der for to veker sidan og vart den fortald av stolte etiopiske medarbeidarar.
Eg gler meg.
Det nyttar!
torsdag 1. januar 2009
Etiopia

Misjon er ei stor sak, oppdraget er gjeve av han som kom som eit lite barn, og som vi nett har feira her hjå oss.
Misjon er å tilby evangeliet om Jesus
Misjon er å tena medmenneske
Misjon er å arbeida for utvikling og rettferd
- eg kjenner meg priviligert som får vera med i dette arbeidet.
Abonner på:
Innlegg (Atom)